-أول الحكاية-
أنا وأنتى طيارتين
والفضا مسموح
و مادمنا مشترطين
نروح لغاية الحلم
أنا فى الميدان كما طفل
وأنتى فى غرامك بكر
بتنفديلى طموح
و عزايا إنى بأهيم
و هواكى مش غلطة
كل الحياة باردة
و قلبى جمرة نار
-وسط الحكاية-
قلبك محطة سفر
و ضايعة فى المسافات
عمرى اللى فات محتل
عمرى اللى جاى أقل
خطيت هزمت الذل
خطيتى فىًّ مكان
على أوله الأحزان
أحزان بتكون المشوار
من نبعها المنهار
ينبوع هواكى طل
مَيل و ما أستسلمش
على طرف عينك كحل
احتج ع الدمعات
لحظتها انفجر حسنك
حفر الطريق للروح
هادنت ولا قاومت
خيل إنتصارى انحل
و صارع الممكن
الشمس هجت شوق
و لقيت معاكى وقت
فى مجمله مسروق
مسروق لكنه العمر
اللى انسرق بشويش
فى قصة وياكى
-أخر الحكاية-
أنا وأنتى مش طيارتين
ولا الفضا مسموح
و مادمنا مشترطين
نهج بره الحلم
أنا فى الميدان مهزوم
و أنتى يا عيب الشوم
بتنفديلى جروح
و عزايا انى بأضل
و هواكى كان غلطة
كل الحياة باردة
وقلبى جليد بيدوب