بطاقة تعارف

بطاقة تعارف
انا اللى ...الشهيد اسمى
كتبته وحبرى كان دمى
اسألو عنى دموع امى
اسألو الارض اللى ارتوت بدمى
...اسألو الرصاص اللى طلعوه منى

كلمة شهيد سكتها مش سهلة
طريق حزين ..بس نهايته احلة
طريق كله الم ... وحسرة
بس كله يهون ..ماهو المسيح عشانا ضحا
ليلة ابتدت بالقداس والفرحة
واتنهت بالرصاص وبالجرحا

ليلة فيها المسيح اتولد
ودبحوا عشانه ولاد البلد
واتحولت من ليلة ميلاد
لليلة .....حداد
بس اوعو تنسو الامجاد
اللى شايلها ربنا للاولاد
يا هناهم اللى نالو الاستشهاد
على اسم رب العباد

دول طلعو السما فالحال
وشافو نعيم ماكانش عالبال
يا هناهم بالاكاليل
ليل ونهار فى تهليل
مع الملايكة والقديسين
باللون الابيض لابسين
وبالنور متسربلين
ومع الفادى فالفردوس فرحانينيا
ياهناكم يا حبايبنا صلو عشان كل المسيحيين
اهداء من شاعرة الشهداء
الشاعرة ناهد فاروق شاروبيم[/center]