دميانة من ضحايا المركب الغرقانة
انا اسمى .......دميانة
انا طفلة ولسة فى ابتدائى بأمانة
نجحت وروحت معاهم الرحلة وانا فرحانة
...مع ان ماما ما كانتش راضية وزعلانة
بس انا ماكنتش عارفة انى هركب مركب عطلانة
وبدل ما اتفسح بيها وافرح...يطلعونى من المية غرقانة
دانا ما لحقتش حتى اصرخ ولا اقول الحقونى آآآآه يانا
خافو على ماما وقالولها انى فى المستشفى وبيسعفونى
وانا فالحقيقة كنت فالمشرحة وبيكفنونى
الوداع يا ماما ياأحلا صورة شافتها عيونى
الوداع يا دنيا سرقت منى عمرى واصحابى اللى بيحبونى
الوداع يا بلد ضايع فيها حقى وبكرة زيى زى غيرى هينسونى
انا بس مش عايزاكم تلومونى
لأنى ما كنتش اعرف ان العمرعالبنى آآدمين كدة رخيص
والناس عادى انها تموت وتروح فطيس
كلمات:الشاعرة ناهد فاروق شاروبيم