سكالوب الدجاج
مقادير الاسكالوب :
صحن صدور دجاج ( تقريباً أربع صدور )..
ليمونه وحده..
2 ملعقة خل..
ملعقه صغيرة ملح..
نص ملعقة صغيرة فلفل أسود ..
ملعقة صغيره ( اوريغانو ) زعتر بري ..
ملعقة صغيرة ثوم بودره ( أو 2 فص ثوم مدقوق اذا ماعندك بودره )..
جبن شرايح ( اي نوع تحبينه أنا استخدمت كرافت ) ..
كوب طحين أبيض ..
2 ملعقة كبيرة بيكنج باودر ..
2 بيضة مخفوقه ..
بقسماط ( كاس تقريبا )..
مقادير البطاطس :
5 حبات بطاطس متوسطة ..
كاس طحين أبيض + ملعقتين بيكنج باودر + رشة ملح + رشة فلفل
[ندعوك للتسجيل في المنتدى أو التعريف بنفسك لمعاينة هذا الرابط] << نخلطهم سوا ..
2 بيضة مخفوقه ..
الطريقة :
1/ تاخذين شرايح الصدور وتدقينها اما ( بيد النجر ) او ( بالمطرقة تبع الاكل ) عشان تصير الشريحة رقيقة ..
يفضل تحطينها داخل كيس نايلون وتدقينها ( كذا انظف ) ..
2/ تخلطين التتبيله واللي هي ( الليمون و الخل والملح والفلفل والثوم والاوريغانو ) وتحطين شرايح
[ندعوك للتسجيل في المنتدى أو التعريف بنفسك لمعاينة هذا الرابط] فيها وتغطين عليها << اتركيها في الثلاجة مدة ساعة أقل شي وكل مازادت المدة أفضل ..
3/ بعد كذا تشيلين الشرايح من التتبيله ( انتبهي لا تغسلينها ) بس مجرد تعصرينها بيدك ..
4/ حطي شريحة دجاج بصحن وحطي عليها شريحة جبن ( قطعي الجبنه عشان تاخذ شكل شريحة الدجاج )
5/ بعدها غطي الجبن بشريحة دجاج ثانية ..
6/ اخلطي في وعاء << الطحين + البيكنج باودر << وغمسي فيهم صدور الدجاج المحشية ( غطيها كويس بالطحين) ..
7/ بعدها غمسي الصدور في بيض وبعدها بقسماط ( نسيت أصور هالخطوة )
8/ حطي الصدور في الفريزر لمدة ( نص ساعة تقريباً )..
على ما يخلص الوقت سوي البطاطس :
1/ قشري البطاطس وقطعيها قطع كبيره .. واسلقيها في مويه حاره وملح ( نص استوا بس ) ..
2/ صفيها من المويه وغمسيها في البيض وبعدها في خليط ( الطحين والملح والفلفل والبيكنج بودر )..
آآآآآآآآآآخر شي ..
ولعي عالزيت وشمّري أكمامك و ( هيا بنا نقلي )
تقلين الدجاج والبطاطس على نار ( متوسطة ) مو تحرقين الدجاج من برا ومن داخل
طبعاً البيكنج بادور يخلي الطبقة المقرمشة منتفخة ومنفصلة وغير كذا ما يخلي الدجاج يشرب زيت اثناء القلي
[size=16] .[/size]