أسيب حبيبى يسوع لأ .مش هأسيبه لأ
أنا ليا غيرو مين هو الطريق والحق
هو فى موتى حياة هو فى عطشى مياه
عمرى اللى انا بحياه هو بسنينو أحق
بردان وحضنك ضمنى يايسوع ودفانى
محتاج ولما لجأتلك حبك دة كفانى
ولما حبيتك انا كرهت العالم الفانى
ميت لما ندهتلك أطاعت اكفانى
ضيعت عمرى بحالو وعايش ومعرفهوش
يقولوا أسم يسوع أقول ماقبلتهوش
بقى اللى خالق كل شىء يصبح أبويا
ندمان علشان فاتت سنين مابكلموش
العمر واحد بس مش عمرين
ضرورى تعرف انت عايشه لمين
دة قرارك انت لو تعيشو ليسوع
أرجوك ماتستهترش بالموضوع
لازم تحدد انت .انت رايح فين
أنا قبل ماأجيلك عمرى دة كان حاجة متسواش
وبعيش أيام ولاتستاهل انها تتعاش
أنا حاجة رخيصة ومرمية غلتنى واهتميت بيا
دمك ثمن المدفوع فيا
انت فاديتنى علشان حبتنى
بالنعمة اديتنى خلاص ببلاش
الكلمات دى سمعتها من رباعيات المرنمة فاديا بزى وحبيت اشاركوا بيها
كل سنة وانتم كلكوا على بعضكوا بخير وبسلام