الموضوع اللي عايزه اتكلم معاكوا فيه ملقتش ليه اسم
عايزه اتكلم معاكوا في موضوع مهم بالنسبه للشباب وازاي كل شاب بيضيع من ايده ابديته
نبتدي بالبنات
كل بنت قبل ما تخرج الميك اب مظبوط طيب شعري كويس ولا كنت عملتوا كيرلي طيب لبسي حلو ولا البس غيره وكل دا ملهوش اي لازمه لازم تروح الكنيسه يقولوا عليها دي ملكه جمال ايه الحلاوه دي ولو متقلش كده يبقي يوم نكد
والشباب بقي
لازم وضروري جدا قبل ما يخرج الجيل لو مفيش جيل يبقي مينفعش واللبس لازم يكون علي الموضه جدا لازم البنات تقول عليا مفيش مني اتنين
والحب بقي
لازم اللي احبه يكون ايه وسيم وامور ولازم يكون في شعره جيل
والبنت اللي احبها تكون ايه اموره وجميله ومش كئيبه كده وتخنق
ومش بندور علي اللي بيكون بيتكلم بجد وعايزه يمشي في طريق النور مش في طريق الضلمه
ما انا اهو حبيت ومااخدتش حاجه من الحب لما فوقت عرفت ان كل دا وهم وخيال ناخد الشهاده الاول وبعد كده نحب براحتنا بس اللي يكون شرينا بجد
دي اخر مره هدخل فيها المنتدي تاني بجد استفادت من المنتدي جدا
وبشكر كل اللي قدموا للمنتدي مواضيع مهمه وربنا يعوض تعب محبتكم
وموني حبيبه قلبي وميلاد اخويا ومثلي الاعلي انا حبيتكوا بجد وحبيتكوا اكتر من اخواتي كمان
وعماد اوعي تفتكر اني كنت بلعب بيك في يوم من الايام كل كلمه قولتهالك كانت بجد بامانه
بس انا عارفه اني السبب
ربنا معاكوا جميعا
صلوا من اجل ضعفي
السبت مارس 19, 2016 6:55 pm من طرف 
