هوة دة موسم الوقفات اخر يوم فى السنة وكلة يفكر هل السنة اللى فاتت كانت حلوة ولا وحشة
اية اللى حققتة واية اللى فشلت فية
وغالبا بتشوف السواد وبتنسى اللحظات الحلوة ما علينا
والموسم دة مشهور انك بتقف بتكلم نفسك انك لازم تتوب وترجع و تبدا سنة جديدة
وزى ما قال المطرب الشعبى من اول يناير هاكون انسان جديد
بس النهاردة انا بدعوك لنوع مختلف عن كل سنة وجرب واكيد موش هاتبقى خسران منتا بقالك كام سنة بتبدا بداية من بتوع يناير وبعدين فبراير بترجع كما كنت
ما تيجى السنة دية نقف وناخد نفس عميق كدة و نشوف ربنا فين فى حياتنا
وهوة مستحق اية؟ وهانعمل معاة اية؟
الكلام ابتدى يتكرر موش كدة؟ وانا بردة شايف انة مكرر وسمعناة كتير
بس تعالوا ناخد خطوات ايجابية حقيقية مع ربنا
اول خطوة بجد انك تكون متاكد انك موش هاتقدر تحرر نفسك من اى خطية ربطاك وان ربنا بس هو اللى يقدر
ثانيا تعترف ان اسم يسوع فوق كل اسم يعنى لو عندك مشكلة او مصيبة او تعب او اى حاجة ليها اسم فاسم يسوع فوقيها و اعلى منها
يعنى تيجى بيها قدامة و تقولة المشكلة دية انت حلها
ثالثا نيجى للايمان بانك لما تتبع يسوع هاتتحرر و تكون انسان جديد موش فى يناير بس لا وفى كل سنين حياتك
رابعا الوقفة وهنا بس هاتقف مع نفسك قدام المسيح وتصلى بتوبة و بطلب غفران و بندم حقيقى و تقولة يا رب فكنى و حررنى
خامسا هاتبدا تاخد مقويات زى الفيتامينات اللى هاتقوى مناعتك زى انك تحضر اجتماعات ودية مهمة جدا ان يكون ليك حضور منتظم فى اجتماع يبنيك و تسمع فية كلام حقيقى
كمان حضور القداسات و المواظبة على اسرار الكنيسة مهمة جدا لانها تحتوى على كل انواع الفيتامينات
خلى كلام ربنا فى ودنك من ترانيم و تسبيحات ووعظات
وطبعا اهم حاجة اهم حاجة انك تفتح كتابك المقدس و تقرا وتاخد ولو 15 دقيقة خلوة شخصيةودة اكتر حاجة هانركز عليها السنة دية
سادسا متنساش الوعد اللى اديتة لربنا انك مفوضة فى كل حياتك و بالتالى فى كل ازمة قول حل انت يا رب وبايمان موش بالكلام
الحياة مع ربنا حلوة قوى وتستاهل
السبت مارس 19, 2016 6:55 pm من طرف 
