الارض مش مكاني

الارض مش مكانى

يا ابويا..يا أمى..ويا كل اصحابى وخلانى
ياللى انتو حزانا....وبتبكو عشانى
انا مش عايزكم تبكو ابدا....تانى
الارض ....عمرها ما كانت مكانى
خلاص انا سبت الغربة..وسكنت ف اوطانى

انا لو رجع بيا تانى الزمان
مش ها اتمنى اجمل من كده مكان
ده مليان بالدفىء والحب والامان
وكله ملايكة وشهدا وقديسين كمان
وكلنا بيجمعنا حضن يسوع الحنان

انا ماكانش سهل عليا اسيبكم
وفكل لحظة انا حاسس بيكم وشايفكم
نفسى امسح دموعكم واطمنكم
واقولكم :انى مش بعيد ..انا قريب منكم
بس اللى يعيش فالسما ..يحس انه غريب عن عالمكم

انا نفسى اطمنكم عليا
انا فمكان تعجز عن وصفه عنيا
وعايش فالسما عيشة هنية
انا فحضن العدرا ام فاديا
اصل انا اتحسبت شهيد وصار ليا مكان فالابدية
تأليف:شاعرة الشهداء
الشاعرة :ناهد فاروق شاروبيم